Кошуна Тажикстан кезектеги провокациясын баштады. Баткендеги Максат айылынын борбордук трассасына жакын аймакка бетон тосмолорду орнотууда. Фундамент куюп, бийиктиги 3 метр дубалдарды курушкан. Кошуна мамлекеттин мындай аракети 1 ай мурда башталган. Бул аралыкта Кыргызстан тарап бир-нече жолу эскертүү берип, такталбаган аймакка тосмо орнотуу иштерин токтотууну сунуштаган. Бирок алардан оң жооп болгон эмес, курулуш иши уланууда.
